Volvo EX30．全新入門車系更年輕化？咁仲豪唔豪？總之唔好再嗌我老餅喇！（附設中文字幕）｜#駕輛試車 #駕輛UpCar

全新車型Volvo EX30 外形方正，設計簡約，絕對可以抹走大家對富豪Volvo 汽車比較成熟嘅形象，富豪 EX30 外型比較年輕化，除咗保留咗車迷一直喜愛富豪Volvo汽車硬朗嘅線條之外，今次嘅設計唔單止外形，更加添力咗好鮮明嘅顏色，車身顏色方面，總共有5個顏色，4款車廂用料可以自由搭配，內櫳設計仲用咗唔同嘅布藝拼合而成，如果特別鍾情於簡約風或北歐風格嘅，一定俾到你有溫暖嘅感覺，都真係幾適合兩小口子、新婚家庭。富豪Volvo EX30 價錢方面，「一換一」後就係$336,800起。全新Volvo EX30用嘅係吉利集團嘅SEA浩瀚電動車專用車架平台，姊妹車包括smart #1 同埋極氪Zeekr X ，正正因為咁，好多人都會拎佢同smart #1 去比較喇！所以片入面Avery 同 Samantha都有提到呢2部車嘅感覺同分別，大家自己睇喇！至於富豪Volvo EX30 到港有咩版本呢？只有一個版本，就係單摩打長續航版，電池容量69kWh，EX30 續航距離就有476km，支援11kW中充及153kW快充。EX30 配備方面又會有啲咩？Volvo EX30 內置Google Play Android 應用程式，12.3吋中央屏幕，Apple CarPlay，360鏡頭，Harman Kardon音響、自動泊車等，各種主被動安全設備包括有開門警報、防追撞自動煞車、駕駛者疲勞偵測等。